ONE WALL AZKOITIAN: Garazi eta Maddi 3. eta 4. posturako partidua gaur eta Gorka eta Unai aurrera

Paper ona jokatzen ari dira pilotari euskaldunak One Wall-ean. Eskuz banaka lan gehiago izaten ari diren arren, Gorka Urtasunek atzo gaoizean ez zuen porrota ezagutu. Beraz, gaur aurrera jarraituko du txapelketan.

Binaka nahiko ongi defendatzen ari dira pilotari gehienak. Horrela, Garazi Martinez eta Maddi Mendizabalek gaur, arratsaldeko 16.00tan 3. eta 4. postuetarako partida daukate semifinaletan, faborito diren USA-ko neskek eurak mendean hartu ta gero 2-0.

Unai Albarado arabarrak, Gordon-ekin batera, nahiko zeresan ematen ari dira, atzokoan Gabiola-Arriagaren kontra bi partidu oso ikusgarri jolastuta.

Aupa neskak!!!! Aupa Unai, Gordon eta Gorka!!!


**Bueno, bueno bueno! Eta zelako ingeles-amerikano maila ari naizen hartzen. Tanto pa sorry!! jajaja, parre batzuk bota genituen bai zaharra, ziskar eta hirurok Ataungo Naiararekin ere. Bera, indibidualean USAren kontra galdu ondoren eliminatuta gelditu eta Maddi eta Garaziren botilero zegoelarik. Gero arte kuadrila!!!

EUSKAL HERRIKO ‘One Wall’ SELEKZIOA GOGOTSU AURKEZTUKO DA AZKOITIAN (28/11/2007)

Neska ta mutil, heldu eta gazte, Azkoitiko Oteiza eta Gurea pilotalekuetan batuko dira ostiral, larunbat eta igande honetan Holanda, Irlanda, Ingalaterra eta EEBB-tako ia 100 pilotari. ‘One Wall’ ean arituko dira denak, banaka zein binaka, lehia garrantzitsuan maila onena ematekotan.
Euskaldunak –gizonezkoetan- Europa mailan duten nagusitza mantentzen saiatuko dira eta, aldi berean, estatubatuarrei ezustekoren bat ematen ere. Neskak ordea lehen saiakera dute asteburukoa. Palan jokatzea dute ohiko denek ere baina aurrez eskuz ere aritutakoak izaki gehienak, joku ona erakusteko aukera badute.
Entrenamenduetan ondo aritu ostean, partiduetan eman behar dute heurena. Beste herrialdetako nesken kontrako horretan, lehiatzea garrantzitsua da, garaitzea gehiago baina batez ere helburu nagusia jokamolde honetan zein mailatan gauden eta noraino iristeko aukera dagoen frogatzea da euskaldunen nahia.
Kanpotarren artean Rookie Wright amerikarra aitatu behar. Bikaina ei da baina berarekin datozen Calles, Priola eta konpainia ere pilotari handiak izango dira.Irlandarren artean James Doyle nabarmendu behar nahiz eta aurrez honuntza etorri den guztietan emaitza kaxkarrak lortu dituen.
Gure pilotarien artean, bertan izango dira Amantegi, Pradera edo Gallastegi nabarmendu daitezke.



**Eta argazkiak?

ONE WALL AZKOITIAN

Azaroaren 30etik Abenduaren 2ra bitartean nazioarteko One Wall txapelketa jolastuko da Azkoitin. Horretarako, Euskal Herri osoko neska eta mutilak aritu ziren aurreko ostiralean Durangon probak egiten. Ostiral honetan berriro izango dute euren dohaiak erakusteko aukera.

Bertatik, 16 sailkatuak (8 neska eta 8 mutil) aterako dira. Hauek, azkenengo entrenamendu bat eginez hurrengo astean dagoeneko Azkoitin, bertan jolastuko baita txapelketa. Bai Oteiza pilotalekuetan, bai Gurea-n. Txapelketaren aurkezpena 29an litzateke.

Zorte on pilotari guztiei!!! (Beti bezala, batzuei bereziki, jejeje)